ඒ පිළිබඳව සාකච්ඡා කිරීම සඳහා වූ විශේෂ සාකච්ඡාවක් මාතර දිස්ත්‍රික් ලේකම්, නීතිඥ වයි.වික්‍රමසිරි මහතාගේ ප්‍රධානත්වයෙන් දිස්ත්‍රික් ලේකම් නිළ සාකච්ඡා මැදිරියේ දී පැවැත්විණි.
මාතර දිස්ත්‍රික්කයේ සංචාරක ප්‍රවර්ධනය, මාතර දිස්ත්‍රික්කයේ කුඩා හා මධ්‍ය පරිමාණ ව්‍යවසායකයින්ගේ නිෂ්පාදන ප්‍රවර්ධනය අරමුණකර ගනිමින් “මාතොට බීච් ෆෙයාර් - 2023“ පැවැත්වේ.
මෙහි දී ළමුන් සඳහා සරුංගල් තරඟ, ළමුන් සඳහා වැලි මාළිගා තරඟ, ළමා විනෝද ක්‍රීඩා, මාතර දිස්ත්‍රික්කයේ පාසල්වල විශේෂ සංස්කෘතිකාංග, මල් වෙඩි සන්දර්ශන, පෙරදිග සංගීත වැඩසටහන්, කැලිප්සෝ සංගීත වැඩසටහන් සංවිධානය කෙරෙන අතර දේශීය නිෂ්පාදන ඇතුළත් වෙළඳ කුටි, විවිධ ආහාර පාන සහිත වෙළඳ කුටි, විසිතුරු භාණ්ඩ සහිත වෙළඳ කුටි ඇතුළු වෙළඳ කුටි රැසක් ස්ථාපිත කිරීමට සැලසුම්කර තිබේ.
මාතර දිස්ත්‍රික් ලේකම් කාර්යාලයීය සුබ සාධක සංගමය, මාතර දිස්ත්‍රික් වෙළඳ හා වානිජ මණ්ඩලය, මාතර මහා නගැර සභාව හා කුඩා ව්‍යාපාර සංවර්ධන අංශය එක්ව මෙම “මාතොට බීච් ෆෙයාර් - 2023“ සංවිධානය කෙරේ.
මේ අවස්ථාවට මාතර දිස්ත්‍රික් සිවිල් සමාජ සංවිධාන සම්මේලනයේ සභාපති යටලමත්තේ විපස්සි නාහිමි, මාතර අතිරේක දිස්ත්‍රික් ලේකම් කසුන් වැල්ලහේවා මහතා, අතිරේක දිස්ත්‍රික් ලේකම් (ඉඩම්) නිශාන් පතිරණ මහතා, මාතර දිස්ත්‍රික් ක්‍රමසම්පාදන අධ්‍යක්ෂ නාලිකා දොඩම්පේගම මහත්මිය ඇතුළු රාජ්‍ය නිලධාරීන් හා මාතර දිස්ත්‍රික් වෙළඳ හා වානිජ මණ්ඩලය නියෝජනය කරමින් එහි සාමාජිකයින් පිරිසක් සහභාගි වී සිටියහ.
(දිස්ත්‍රික් මාධ්‍ය ඒකකය - මාතර)
No comments:
Post a Comment