සෞභාග්‍යයේ දැක්ම ප්‍රතිපත්ති ප්‍රකාශයට අනුව මාතර
දිස්ත්‍රික්කයේ ගංවතුර පාලනය සහ පුරන් කුඹුරු අක්කර 15000 ක් අස්වැද්දීමේ අරමුණින්
ක්‍රියාත්මක කරන වාරි සෞභාග්‍යය වැඩසටහන වාරිමාර්ග හා ග්‍රාමීය සංවර්ධන රාජ්‍ය අමාත්‍ය
මහින්ද යාපා අබේවර්ධන මැතිතුමාගේ ප්‍රධානත්වයෙන් පසුගියදා මාතර - නාදුගල දී ආරම්භ කෙරිණි.
මෙහි දී ගරුතර මහා සංඝ රත්නයේ පිරිත් සජ්ඣායනා මධ්‍යයේ
බණ්ඩත්තර - නාදුගල මාර්ගයේ ගංවතුර ආරක්ෂණ වේල්ලෙහි වැඩ ආරම්භ කිරීම සිදු කරන ලදි.
මීට සමගාමීව මාතර දිස්ත්‍රික්කයේ කිරළ කැලේ, අකුරැස්ස,
කඩවැද්දුව, කද්දුව, ඌරාපොල, පෙත්තර, අලවතුගොඩ, කැකණදුර, හාලිඇල, සපුගොඩ, දෙනගම හා උයන්වැව
ආදී වාරිමාර්ග යෝජනා ක්‍රම ආශ්‍රිතව සංවර්ධන කටයුතු හා ප්‍රතිසංස්කරණ කටයුතු සිදු කෙරේ.
මේ අවස්ථාවට තේ කර්මාන්ත සංවර්ධන රාජ්‍ය අමාත්‍ය කංචන විජේසේකර මහතා,
මාතර දිස්ත්‍රික් ලේකම් ප්‍රදීප් රත්නායක මහතා, වාරිමාර්ග නිලධාරීන් හා ගොවිසංවිධාන
නියෝජිතයින් හා ප්‍රදේශවාසීන් ඇතුළු පිරිසක් සහභාගි වී සිටියහ.
No comments:
Post a Comment