දේශගුණික විපර්යාස සඳහා තිරසර විසඳුමක් ලෙස හරිත ග්‍රාම
සංවර්ධන සංකල්පය ක්‍රියාත්මක කිරීම පිළිබඳ වැඩසටහනක් මාතර දිස්ත්‍රික් ලේකම් ප්‍රදීප්
රත්නායක මහතාගේ ප්‍රධානත්වයෙන් හෙට (31) පෙ.ව.9.30 ට මාතර දිස්ත්‍රික් ලේකම් කාර්යාලීය
ගාමිණී ජයසේකර ශ්‍රවණාගාරයේ දී පැවැත්වේ.
මාතර දිස්ත්‍රික්කයේ සියලු ම ප්‍රාදේශිය ලේකම් කොට්ඨාස නියෝජනය
කරමින් රාජ්‍ය නිලධාරීන් හා රාජ්‍ය නොවන සංවිධාන ක්‍රියාකාරීන් පිරිසක් මෙම වැඩසටහන
සඳහා සහභාගි වීමට නියමිත බව මාතර දිස්ත්‍රික් රාජ්‍ය නොවන සංවිධාන සම්බන්ධීකරණ නිලධාරී
නුවන් දිසානායක මහතා පැවසී ය.
මාතර දිස්ත්‍රික් ලේකම් කාර්යාය, පරිසර හා වනජීවී සම්පත්
අමාත්‍යංශය, දේශගුණික විපර්යාස පිළිබඳ ලේකම් කාර්යාලය හා මාතර දිස්ත්‍රික් සිවිල් සමාජ
සම්මේලනය එක්ව මෙම වැඩසටහන සංවිධානය කරයි.
No comments:
Post a Comment