ඒ බව අනාවරණය කෙරුණේ දෙවිනුවර වාර්ෂික
ඇසළ පෙරහැර මංගල්‍යය පිළිබඳව මාතර දිස්ත්‍රික් ලේකම් ප්‍රදීප් රත්නායක මහතාගේ ප්‍රධානත්වයෙන්
පසුගියදා මාතර දිස්ත්‍රික් ලේකම් කාර්යාලයේ පැවැති රැස්වීමකදී ය.
දින හයක් පුරා සන්ධ්‍යා භාගයේ දී පේළි
පෙරහැර පැවැත් වේ. ඒ අනුව පළමුවන පේළි පෙරහැර පිටත්වීම ජුලි 21 සෙනසුරාදා
සවස 5.06 ට යෙදෙන සුභ මොහොතින් ද, දෙවන පේළි පෙරහැර පිටත්වීම ජුලි 22 ඉරිදා සවස
4.02 ට යෙදෙන සුභ මොහොතින් ද, තුන්වන පේළි පෙරහැර පිටත්වීම ජුලි 23 සඳුදා සවස
5.10 ට යෙදෙන සුභ මොහොතින් ද, හතරවන පේළි පෙරහැර පිටත්වීම ජුලි 24 අඟහරුවාදා
සවස 5.18 ට යෙදෙන සුභ මොහොතින් ද, පස්වන පේළි පෙරහැර පිටත්වීම ජුලි 25 බදාදා සවස
4.39 ට යෙදෙන සුභ මොහොතින් ද, හයවන පේළි පෙරහැර පිටත්වීම ජුලි 26 බ්‍රහස්පතින්දා
සවස 3.39 ට යෙදෙන සුභ මොහොතින් ද සිදු කිරීමට නියමිත ය.
ඇසළ පුර පසළොස්වක පොහොය යෙදෙන ජුලි 27 සිකුරාදා දින
සවස 5.13 ට යෙදෙන සුභ මුහුර්තියෙන්
දක්ෂිණ දිසාභිමුඛව දේවලයෙන් පිටත්ව දකුණු වාහල්කඩින් පෙරහැර මාර්ගයට පිවිස ඉතා
උත්කර්ෂවත් අන්දමින් රන්දෝළි මහා පෙරහැර වීථි සංචාරය කෙරේ.
අලි ඇතුන් විශාල ප්‍රමාණයක් සහිතව
පැවැත්වෙන රන්දෝළි මහා පෙරහැර සඳහා නර්තන කණ්ඩායම් සියයකට අධික ප්‍රමාණයක් සහභාගි කරවීමට
සැලසුම් කර තිබේ.
චන්ද්‍රබාහු නම් ආක්‍රමණිකයාගෙන් රට
බේරා ගැනීම සඳහා දෙවිනුවර උත්පලවර්ණ දෙවියන්ට වූ භාරයක් ඔප්පු කරනු වස් දෙවන පරාක්‍රමබාහු
රජතුමා විසින් ක්‍රිස්තු වර්ෂ 1257 දී ප්‍රථම වරට
ආරම්භ කරන ලද දෙවිනුවර ඇසළ මහා පෙරහැර මංගල්‍යය මෙවර පැවැත්වෙන්නේ 761 වන වරට ය.
ජුලි 28 දින සිට දින හතක් සල්පිල පැවැත්වෙන
අතර අගෝස්තු 03 සිකුරාදා දින රාත්‍රිය
මුළුල්ලේ දේව තොවිලය නොහොත් කෝල්මුර යාගය පවත්වා ගිණි පාගා අගෝස්තු 04 වන
සෙනසුරාදා දින පෙ.ව. 11.00 ට දේව දානය පැවැත්වීමෙන් අනතුරුව ඇසළ
පෙරහැර මංගල්‍යයේ කටයුතු නිමාවට
කෙරේ.
දෙවිනුවර ඓතිහාසික රාජමහා විහාරාධිපති
දෙවිනුවර සුනන්ද නාහිමියන් සහ ඓතිහාසික ශ්‍රී විෂ්ණු මහා දේවාලයේ බස්නායක නිලමේ කේ.එච්.නන්දසිරි
මහතා ඇතුළු පෙරහැර කමිටුවට
සම්බන්ධ සියලු ආයතන හා නිලධාරීන් මේ අවස්ථාවට සහභාගි වී සිටියහ.
No comments:
Post a Comment