කෝවිඩ් 19 හෙවත් නව කොරෝනා වෛරසය පැතිරයාම වැළැක්වීම සඳහා රජය ගෙනයන වැඩපිළිවෙලට සමගාමීව පනවන ලද ඇඳිරි නීතිය හේතුවෙන් පීඩාවටපත් මාතර දිස්ත්‍රික්කයේ අඩු ආදායම්ලාභී පවුල් 800 ක් සඳහා වියළි ආහාර ද්‍රව්‍ය ලබා දීමට මාතර දිස්ත්‍රික් ලේකම් කාර්යාලයේ කාර්ය මණ්ඩලය අද (07) වෙසක් පුන් පොහෝ දින කටයුතු කරන ලදි.
මාතර දිස්ත්‍රික් ලේකම් ප්‍රදීප් රත්නායක මහතාගේ සංකල්පයක්
අනුව මාතර දිස්ත්‍රික් ලේකම් කාර්යාලීය නිලධාරීන්ගේ පෞද්ගලික ධන පරිත්‍යාගයෙන් මෙම
වියළි ආහාර ද්‍රව්‍ය ලබාදීම සිදු කරන අතර එක් ප්‍රාදේශිය ලේකම් කොට්ඨාසයකින් අඩු ආදායම්ලාභී
පවුල් 50 බැගින් මාතර දිස්ත්‍රික්කයේ ප්‍රාදේශිය ලේකම් කොට්ඨාස 16 නියෝජනය කරමින් තෝරාගත්
අඩු ආදායම්ලාභී පවුල් 800 ක් සඳහා සෞඛ්‍යාරක්ෂිත ක්‍රමවේද අනුගමනය කරමින් කණ්ඩායම්
16 ක් ඔවුන්ගේ නිවෙස් වෙත ගොස් මෙම වියළි ආහාර ද්‍රව්‍ය බෙදා දීම සිදු කෙරිණි.
No comments:
Post a Comment