පූජ්‍ය කුඩාබැඳිවැව සුමන හිමියන් විසින් මාතර දිස්ත්‍රික් ලේකම් කාර්යාලයේ...

මාතර දිසාපතිතුමා නිල්ගංතෙරට ගී ගයයි

තරු ද නිදන මහරෑ - Tharuda Nidana Mahare

කුසුම් පිපී තුරු - Kusum pipi thuru mathe

ගම අවුලඤ්ඤං - Gama Awlannam

ඉල් පුර පසළොස්වක පොහෝ දිනයට සමගාමීව ධර්ම දේශනාමය පිංකමක් මාතර දිස්ත්‍රික් ලේකම් කාර්යාලයේ දී

ශ්‍රී ලාංකේය සමාජයේ ජනී ජනයා ආගම දහමින් ඈත් වෙමින් තම ආත්මාර්ථකාමී අරමුණු පසුපස හැල්මේ හඹා යන යුගයක මාතර දිස්ත්‍රික් ලේකම් කාර්යාලයේ රාජ්‍ය නිලධාරීන්ගේ ධර්ම ඥානය පුබුදු කරවනු වස් සෑම පුර පසළොස්වක පොහෝ දිනයක් ම නිමිති කර ගනිමින් මාසිකව පවත්වනු ලබන සද්ධර්ම දේශනා මාලාවේ නොවැම්බර් මස ධර්ම දේශනය ඉල් පුර පසළොස්වක පොහෝ දිනය නිමිති කර ගනිමින් අපරැක්ක සේපාලිකාරාමාධිකාරී පූජ්‍ය කුඩාබැඳිවැව සුමන හිමියන් විසින් අද (19) දින මාතර දිස්ත්‍රික් ලේකම් කාර්යාලයේ දී පවත්වන ලදි.

 

මාතර දිස්ත්‍රික් ලේකම් ප්‍රදීප් රත්නායක මහතාගේ සංකල්පයක් අනුව මෙම ධර්ම දේශනා මාලාව පවත්වනු ලබන අතර පස්ගොඩ ප්‍රාදේශීය ලේකම් කාර්යාලයට අනුයුක්තව සේවයේ නියුතුව සිට හදිසියේ වියෝ වූ සුමුදු චාමින්ද දයාරත්න මහතාට පිංපිණිස හා දිසාපතිතුමා ඇතුළු කාර්ය මණ්ඩලයට සෙත්පතා  මාතර දිස්ත්‍රික් ලේකම් කාර්යාලීය සංඛ්‍යා ලේඛන අංශය මගින් මෙවර ධර්ම දේශනාමය පිංකම සංවිධානය කරන ලදි.

මාතර අතිරේක දිස්ත්‍රික් ලේකම් කසුන් එස්.කේ.වැල්ලෙහ්වා මහතා, අතිරේක දිස්ත්‍රික් ලේකම් (ඉඩම්) නිශාන් පතිරණ මහතා, සහකාර දිස්ත්‍රික් ලේකම් නදී ජයවික්‍රම මෙනෙවිය ඇතුළු මාතර දිස්ත්‍රික් ලේකම් කාර්යාලීය රාජ්‍ය නිලධාරීන් ධර්ම දේශනය ශ්‍රවණය කිරීම සඳහා එක් වී සිටියහ.

අතිගරු ජනාධිපතිතුමා විසින් විධායක බලතල භාවිතා කරමින් 2018.11.09 දින රාත්‍රී 12 සිට බලපවත්වන පරිදි පාර්ලිමේන්තුව විසුරුවා හරියි

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 33 (2) ඇ වගන්තිය ප්‍රකාරව අතිගරු ජනාධිපතිතුමා වෙත පැවරී ඇති විධායක බලතල භාවිතා කරමින් 2018.11.09 දින රාත්‍රී 12 සිට බලපවත්වන පරිදි පාර්ලිමේන්තුව විසුරුවා හරියි. ඒ අනුව 2019 ජනවාරි 05 දින පාර්ලිමේන්තු මහ මැතිවරණය පැවැත්වීමට නියමිත ය.

නිල් ගං තෙර සොඳුරු සුයාමය රසවින්දනාත්මක වැඩසටහන මාතර දිස්ත්‍රික් ලේකම් කාර්යාලයේ දී

 

මාතර දිස්ත්‍රික් ලේකම් ප්‍රදීප් රත්නායක මහතාගේ සංකල්පයක් අනුව ක්‍රියාවට නංවන ලද ‘නිල් ගං  

තෙර සොඳුරු සුයාමය‘ රසවින්දනාත්මක වැඩසටහන් මාලාවේ දෙවන දිගහැරුම මාතර දිස්ත්‍රික්  

ලේකම් තුමාගේ ප්‍රධානත්වයෙන්  ඊයේ (07) දින මාතර දිස්ත්‍රික් ලේකම් කාර්යාලීය ගාමිණී 

ජයසේකර ශ්‍රවණාගායේ දී පැවැත්විණි.

 

ඒකාකාරී ජීවන රටාවකට හුරුවී සිටින රාජ්‍ය නිලධාරියා රාජකාරි සීමාවෙන් ඔබ්බට ගෙන ගොස් චිත්ත සන්තානය සුඛී සුවපත් භාවයට පත් කිරීම අරමුණු කර ගනිමින් මෙම රසවින්දනාත්මක වැඩසටහන් මාලාව සංවිධානය කරන ලදි.

ගායන, වාදන, නර්තන හා නට්‍ය ඇතුළු අංග ප්‍රත්‍යංග රැසකින් සමන්විත විය. නවක උපාධිධාරී  

අභ්‍යාසලාභීන් ඇතුළු දිස්ත්‍රික් ලේකම් කාර්යාලීය රාජ්‍ය නිලධාරීන් මෙහි ඉදිරිපත් කිරීම් සිදු කළහ.

 

‘නිල් ගං තෙර සොඳුරු සුයාමය‘ සඳහා මාතර දිස්ත්‍රික් ලේකම් කාර්යාලීය නිලධාරීන් දායක වූ අතර සංගීත විශාරද නුරාන් ලියනගේ මහතා සංගීතයෙන් ද, ඵලදායිතා ප්‍රවර්ධන නිලධාරී සංගීත විශාරද නිශාන්ත පෙරේරා මහතා කථනයෙන් ද දායක වුහ.

 

මාතර අතිරේක දිස්ත්‍රික් ලේකම් කසුන් එස්.කේ.වැල්ලහේවා මහතා, අතිරේක දිස්ත්‍රික් ලේකම් (ඉඩම්) එන්.කේ.ආර්.පතිරණ මහතා ඇතුළු නිලධාරීන් 300 ට අධික පිරිසක් මේ අවස්ථාවට සහභාගි වී සිටියහ.

මාතර දිස්ත්‍රික් ලේකම් කාර්යාලය නිල් ගං තෙර සොඳුරු සුයාමය සංවිධානය කරන ලදි.