නව අපනයන කරුවන් 2000 සංවර්ධනය කිරීමේ ජාතික වැඩසටහන පිළිබදව දකුණු පළාතේ ව්‍යවසායකයන් දැනුවත් කිරීම සඳහා එක් දින සම්මන්ත්‍රණයක්‍ 2018 මැයි මස 11 වැනි
සිකුරාදා මාතර සනායා මෙන්ෂන් හෝටලයේ දී පැවැත්වේ.
දකුණු පලාතේ හදුනාගත් අපනයන ශක්‍යතාවයක්
ඇති ක්ෂේත්‍ර ලෙස අගය වැඩිකළ කෘෂිකාර්මික නිෂ්පාදන, කුළු බඩු
නිෂ්පාදන, විසිතුරු භාණ්ඩ, මැණික්
හා ස්වර්ණාභරණ , සකස්කළ ආහාර,
ආයුර්වේද නිෂ්පාදන, කොහු ආශ්‍රිත නිෂ්පාදන, ධිවර නිෂ්පාදන, තොරතුරු තාක්ෂණ හා සන්නිවේදන
සේවා ආශ්‍රිතව සංවර්ධනය සඳහා ඇති අවස්ථා හදුන්වාදීම හා ඔවුන් ඒ සඳහා යොමු කිරීමේ
අරමුණින් මෙම සම්මන්ත්‍රණය පැවැත්වෙනු ඇත.
එදින වැඩසටහන ව්‍යවසායකයන් දැනුවත්
කිරීමේ සම්මන්ත්‍රණයත් සමඟ අපනයන කර්මාන්ත සඳහා අවශ්‍ය තාක්ෂණික දැනුම විදහා දක්වන
ප්‍ර‍දර්ශනයක් සහ දකුණු පලාතේ ප්රධාන ව්‍යාපාරිකයන් සහභාගීවන වට මේස සාකච්ඡාවක් යන අංගවලින් සමන්විත වන අතර සම්මන්ත්‍රණයේදී ගෝලීය සැපයුම් දාමයට එකතු
වෙමින් අභියෝග ජයගත් දකුණු පලාතේ ප්රධාන අපනයන කරුවන් ඔවුන්ගේ අත්දැකීම් ඉදිරිපත්
කරමින් ව්‍යවසායකයන් අපනයන ක්ෂේත්‍රයට
ආකර්ෂණය කරගැනීම සඳහා දිරිගැන්වීමට නියමිතය.
මෙම අවස්ථාවට මුදල් හා ජනමාධ්‍ය අමාත්‍ය, ගරු මංගල
සමරවීර මැතිතුමා, සංවර්ධන උපායමාර්ග හා ජාත්‍යන්තර වෙළඳ අමාත්‍ය ගරු
මලික් සමරවික්‍රම මැතිතුමා, තරුණ කටයුතු ව්‍යාපෘති කළමණාකරණ සහ දක්ෂිණ සංවර්ධන අමාත්‍ය සාගල රත්නායක මැතිතුමා , ජාත්‍යන්තර
වෙළඳ කටයුතු රාජ්‍ය අමාත්‍ය ගරු සුජීව සේනසිංහ මැතිතුමා ,
දකුණු පළාත් ආණ්ඩුකාර ගරු මාර්ෂල් පෙරේරා මැතිතුමා, දකුණු පළාත් ප්රධාන අමාත්‍ය ගරු ෂාන් විජයලාල් ද සිල්වා මැතිතුමා ඇතුළු මැති ඇමතිවරුන් මෙන්ම
අපනයන සංවර්ධන මණ්ඩලයේ සහ අනෙකුත් රාජ්‍ය හා පෞද්ගලික ආයතනවල රාජ්‍ය නිලධාරීන් සහභාගීවීමට
නියමිතය.
ශ්‍රී ලංකා අපනයන සංවර්ධන මණ්ඩලය වැඩමුළුව
සංවිධානය කරයි.
No comments:
Post a Comment